...لاتزعل...

المشكلة ماهـي بحاجـة لتخميـن
ولاهي بعد ياناس صعبـة القضيـه
دق الرقم كيفك هلا فيـك وأهليـن
أنا الخـوي اللـي مزعّـل خويـه
قلّه : تغيب وصورتك داخل العيـن
ويبقى لحبـك فـي خفوقـي بقيـه
أخوان حنا لو يجـي بيننـا شيـن
و مانفتـرق دام المحبـة نـديـه
خلك قـوي لاتحتكـرك الشياطيـن
قبل الفـوات وقبـل وقـت المنيـه
كلّم خويك باطيب الهـرج والليـن
وأعرف جميل الهرج يمسح رديـه
هذي هي الدنيا من الحيـن للحيـن
لابد بين النـاس تحصـل خطيـه
ومن لايقدّر غلطة أحبابـه الحيـن
يقـرأ حروفـي ويعتبرهـا هديـه
باكر تمر سنين وسنيـن وسنيـن
والكل يرحل فـي الـدروب المديـه
صدقني تندم وأذكر حروفنـا زيـن
تندم على خلـك إذا غـاب ضيّـه
دنيا غريبة وأكثر النـاس ماشيـن
وكم صاحـبٍ والله دفنتـه بيديـه